غصون فى مهب الريح بقلم عبير سليم
قلبي ده انت حتنورنا
فجأة تفتح عليهم الباب تعالالي يا زفت ده انت وقعتك منيله
يستخبى فأخوه خبيني يا تياء
ضياء وهو يحاول ابعاد ايدها عن فارس في إيه يا ماما عمل ايه فارس
منى زفت الطين لعب في زراير البوتجاز لو مكنتش اخدت بالي كنا حنموت كلنا
فارس انا محملتث حاكه انا كت حنتي صتاح و تنت حاوث احمل ثاي مكنتث حاوث اتحبك
منى يالهوي انا حنجلط ياناس
الرحمه من عندك يارب عندك صداع وعاوز تعمل شاي و كمان مش عاوز تتعبني انا حتشل ده انت ليلتك سوده
وعد هههههههه وربنا حموت من الضحك
اقفل وشوف الخڼاقه اللي عندك دي
تقفل معاه وهي بتضحك فتلاقي مكالمه جايه لها لكنها تتفاجئ من اسم المتصل
انتهت الحلقه يارب تكون عجبتكم
...............
الحلقة الخامسة
غصون في مهب الريح
بقلميعبير سليم
..............
خير في إيه
_هي الناس تقول كده بردو واللا تسلم الأول
وعد مساء الخير معلش أصلي اتفاجئت بالاتصال ده انت مش متعود تتصل
علية فقلت أكيد يعني في حاجه حصلت
_أنا لو علية عاوز اتصل عليكي كل يوم وكل ساعه لو علية مش عاوزك تغيبي عن عيني لحظه
تنظر وعد للهاتف للتأكد من هوية المتصل وتعيد الحديث إليه الكلام ده لية أنا
_امال حيكون لمين يعني ياوعد هو مش انتي وعد بردو و اللا انا بكلم حد تاني
_في إيه معقوله انتي اللي بتقولي كده معقوله مش حسه باللي جوايا ناحيتك
وعد جواك ناحيتي أنا لا بجد انا مش فاهمه أي حاجه انت عاوز تقول إيه بالظبط
_مكنتش اعرف انك غبيه أوي كده انتي ايه مبتحسيش مبتشوفيش مش واخده بالك انك عندي غير أي حد بحاول طول الوقت اعمل اي حاجه تسعدك و تفرحك يمكن تحسي بية وتقدري مشاعري ناحيتك انا اترددت كتير في إني اكلمك بس قلت خلاص كفايه لحد كده مش حستنى لما تضيعي مني واشوفك وانتي مع غيري ومادمتي انتي مش شايفه او عامله نفسك مش شايفه افتحلك عيونك واخليكي متشوفيش غيري
واضح ان الأعمى واللي مبيشوفش هوانت مش انا
_أنا أعمى
وعد مهو لما تبقى مش شايف حب يارا ليك وعشقها اللي مالي قلبها ناحيتك لدرجة انها عاوزة تسيب البيت و تروح تعيش عندكم عشان متغبش عن عينها تبقى أعمى و مبتحسش
بس انا مبحبهاش انا بحبك انتي
وعد وانا بحب خطيبي
_قصدك الواد الجربوع اللي انتي ماشيه معاه
وعد مسمحلكش تقول على ضياء كده ده الضوفر اللي بيطيره من صوباعه الصغير برقبة عشرة من عينتك
_وانا بقى مش حطير صوبعه انا حطير رقبته كلها لو معقلتيش كده و بصيتي لمصلحتك
_ايوة مصلحتك معليا أنا ومصلحة عيلتك كلها كمان هو مين اللي دايخ بالست الوالده كل شويه عالمستشفيات مش انا مين اللي بيكع كل شويه مش انا مين اللي بيدفع مصاريفكم وحق تعليمكم مش انا مين اللي معيشكم و مش مخليكم محتاجين لحد مش انا
وعد حيلك حيلك انت بتقول إيه عمي هو اللي
_عمك ايه ياماما كل حاجه في ايدي انا الفلوس والمحلات و كل حاجه في ايدي انا
وانا اللي بقول كل قرش يتحط فين و مكانه فين
_انت عاوز إيه يا أمير
أمير عاوزك يا وعد بحبك ومستعد أعمل أي حاجه في الدنيا عشان تكوني لية
وعد أمير انا بحب وانت يارا بتحبك
أمير وانا مبحبهاش وفهمتها كتير و هي غبيه دي مشكلتها هي مش مشكلتي
وعد خليكي معايا انا وحخليكي أسعد إنسانه في الدنيا هو مش انتي طول عمرك نفسك تبقي غنيه و معاكي فلوس و تركبي أحدث عربيه محدش حيقدر يحققلك كل ده غيري انا انا وبس
وعد انا اذا كنت سكتت السنين اللي فاتت فده عشان كنت مستنيكي انتي تحسي باللي جوايا ناحيتك و تسيبي الزفت اللي انتي ماشيالي معاه ده لكن الظاهر انك كنتي فرحانه باستغلالك لية وخلاص
وعد وهي مټعصبه من كلامه انا عمري ما استغليت حد أنا كنت فاكره انك بتعمل كده عشان صلة الرحم
أمير لا يا وعد أنا كنت بعمل كده عشانك انتي و مستعد أعمل اكتر من كده مليون مرة بس عشانك انتي يا وعد
وعد انا ححققلك كل أحلامك حجيبلك نجوم السما تحت رجلك بس وافقي اننا نتجوز
وعد انا صحيح نفسي في كل اللي انت قلت عليه ده نفسي احقق كل أحلامي وكل اللي اتمينته بس وأنا معاه هو وانا مع ضياء مش مع حد تاني و كنوز الدنيا كلها قصاد نظرة من عينيه ممكن اتحرم منها متساويش حاجه ومال الدنيا كله لو مكنتش حتهنى بيه واحقق بيه احلامي وانا معاه ولا يهمني و لا يغريني
ضياء ده النور اللي انا بمشي عليه بتسند عليه فخطايا
ضياء مش مجرد حبيب عادي ضياء ده روحي حياتي عمري كله انا فتحت عيني عالدنيا وانا بحبه و لو جبتلي مال الدنيا كله تحت رجلية زي ما بتقول و نجوم السما بين ايديه حقولك أسفه ضياء عندي بالدنيا و مافيها
أمير معناه إيه الكلام ده يا وعد
وعد معناه انك تفوق وتنسى أي حاجه قلتهالي و تشوف فعلا مين اللي بيحبك وانا عن نفسي المكالمه دي حمسحها من ذاكرتي وحعتبر إنك متصلتش بية من أساسه
عن إذنك يا أمير تصبح على خير
تغلق الهاتف في وجهه و لكنها تشعر بانقباض صدرها ويدب القلق في قلبها
نتيجة تلك المحادثه فتجد نفسها تتصل على امل صديقتها و تحكي لها ما حدث
_يالهوي دي يارا لو عرفت انه بيحبك انتي دي ممكن ترتكب جنايه
وعد دي تبقى مصېبه ياأمل لو الزفت ده قال ادامها حاجة دي حاطه كل امالها عليه
أمل هي بتحبه أوي كده
وعد معرفش انا هي بتحبه و لا بتحب الحياه اللي هما عايشينها ونفسها تعيشها انا مبقتش فاهمه حاجه
أمل اللي أنا بس مستغربه منه إذا هو بيحبك أوي كده زي ما بيقول وانتي محستيش بيه ده اللي بيحب حتى بيبان عليه
وعد عمري ما لاحظت حاجه زي كده هو آه كتير بييجي معانا المستشفى ويدفع لكن أنا كنت بفكر ده عشان القرابه اللي بيننا وبعدين انا مبكلمهوش نهائي دايما يارا هي اللي بتكلمه و تقولله تعالى عاوزينك انا اه كنت بشوفه مش مهتم بيارا و لا بيسمعها وهي بتتكلم فكنت فاهمه انه مش شايفها بس مجاش فبالي لحظه واحده انه يكون عاوزني انا يانهار اسود أمل الله يخليكي اوعي تقولي حاجه ادام كريم احسن كريم يقول لضياء وضياء ېخرب الدنيا
أمل يالهوي وهو انا مجنونه ده كان مش بعيد يروح يكسر عليهم البيت بتاعهم
كبري دماغك ياوعد ومتشغليش نفسك هو اما يلاقيكم انتي وضياء عملتوا الخطوبه رسمي حينسى الهبل ده و كده و اللا كده هو مفيش في إيده حاجه هو عرض عرض و اترفض خلاص مطرح ما يحط راسه يحط رجليه
وعد يارب تخلص على كده يا امل انا مش عاوزة مشاكل خصوصا مع ضياء ويارا
أمل ان شاء الله يا حبيبتي مفيش مشاكل ولاحاجه
ياللا بقى نامي الوقت اتأخر وعندنا محاضرة الساعه تمانيه الصبح
وعد ماشي يا امل معلش حبيبتي تعباكي معايا دايما في مشاكلي
أمل اتعبيني زي مانتي عاوزه ياستي ولايهمك
تصبحي على خير يا مزتي
وعد وانتي من اهل الخير يا أموله
تغلق الهاتف و تضعه بجوارها وهي تدعو الله أن يمر هذا الأمر بسلام
.................. ..
نائمه متشبثه به بقوة و لما لا و هو رفيق عمرها هو حبيبها و زوجها و ملاذها الوحيد و كان هو الآخر مشتاق إليها و مټألم لفقدانها
بحبك اوي يا زين
زين و هو يمسك بيدها و يقبلها انا اللي بحبك أوي يا صفا
صفا انا اسفه يا زين
زين آسفه
صفا اسفه على أجمل ايام و سنين العمر اللي ضاعت بين السفر و العلاج و البعد اسفه على زهرة شبابك اللي دبلت من كتر انتظارك لية
زين حبيبتي انتي ايه اللي بتقوليه ده يعني هو اللي حصل ده كان بأيدينا و اللا اختيارنا ده قدر و احنا الحمد لله طول عمرنا راضيين بقضاء الله و قدره
صفا راضيه و الله يا حبيبي و طول عمري مبقولش غير الحمد لله لكن انت صعبان علية ذنبك ايه تتحمل كل ده
زين و انتي ذنبك ايه في اللي حصل يعني لو كان اللي حصل كان العكس انتي كنتي ممكن تتصرفي بشكل غير اللي اتصرفته
صفا ألف بعد الشړ عنك يا حبيبي ربنا يخليك لية يارب
زين حبيبتي يا صفا ربنا يخليكي لية ياست الكل و منحرمش منك العمر كله و بعدين خلاص الحمد لله احنا خلاص وصلنا لنهاية الطريق اللي تعبك كتير و ان شاء الله حتلاقي ادامك طريق مفروش بالحب و الأمل طريق فيه فرح و سعاده طريق حعوضك فيه عن كل التعب اللي شفتيه ربنا يقدرني يارب و اعوضك عن كل لحظة الم اتالمتيها يا حبيبة عمري
انتي عارفه أنا ناوي إن شاء الله أول ما نطمن من الدكتور انك خلاص وصلتي للنقطه اللي بقالنا كتير بنحلم بيها حعملك حفله كبيره اوي حعزم فيها كل الناس اللي بتحبك و اللي طول الوقت بيسألوا عنك و بعدها حاخدك و نروح مكان نبقى فيه لوحدنا مفيهوش غيري انا و انتي و بس
صفا يا حبيبي يا زين ربنا يخليك لية يارب بس احنا لو كنا فمكان لوحدنا طب و فريده
زين فريده تقعد مع حبيبتها
صفا قصدك غصون طبعا تعرف إني بحبها أوي من كتر حب فيري ليها
زين غصون بنوته جميله و بتحب فريده من قلبها ربنا يديم المحبه بينهم يارب
صفا و يديمك نعمه فحياتي يا حبيبي تفتكر يا زين الدكتور حيطمنا
زين ان شاء الله يا حبيبتي انا متفائل اوي
صفا يارب يا حبيبي
تغفو بين أحضانه فيقبلها ويدعو الله أن يتم شفاءها على خير
يشق الله النهار من ظلمة الليل وتشرق الشمس عن نور ربها معلنة عن بدء يوم جديد
ترتدي ملابسها وتخرج من غرفتها فتجد والداها جالسين يتناولان الإفطار فتلقي عليهم التحيه وتقبلهم وتلقي بنفسها بين أحضان أبيها عامله إيه يا عروستي
غصون الحمد لله يا بابا أنا كويسه
محمود يارب دايما يا حبيبة بابا
هبه غصون خدي علاجك يا حبيبتي عشان تفطري
غصون حاضر يا ماما
بس هو أنا حفضل آكل الأكل ده علطول انا عاوزة آكل الأكل اللي بحبه
هبه ان شاء
