سيد الرجاله قصه بقلم ديدا

فستان جديد اهو علشانك يا عروسه 
نور بس ياض يا ظريف انت بطل رخامه 
الام جت ولقت نور ماسكه كيس كبير فاستغربت وسألتها مين اللى كان بيخبط يا بنتى 
نور ده واحد يوسف بعته علشان يجيبلى الفستان ده يا ماما 
الام وليه
يتعب نفسه يا بنتى كده 
نور ما انا مش هالبسه يا امى انا هالبس من لبسى انا واللى عاجبه عاجبه 
الام اهدى بس يا نور يا بنتى هو اول مرة يبعتلك حاجه فامتكسفهوش علشان خاطرى 
نور كل ده علشان خاطرك يا امى حاضر 
الام البسيه واعملى شعرك عاوزة افرح بيكى يا حبيبتى قبل ما يحصلى حاجه 
نور الف بعد الشړ عليكى ما تقوليش كده ربنا ما يحرمنا
منك 
عدى الوقت وسيف كان تحت فى الشارع علشان يقف وياخد عزا ابوه هو وعمامه 
وكان فيه ناس كتير من اهله ومن جيرانه وصحاب ابوه 
مى فوق كانت قاعده جنب جنه فى اوضتها وكانت زعلانه وحزينه على فراق باباها 
جنه فوقى بقى يا مى علشان خاطر عمتى شايفه عامله ازاى وانتى المفروض اللى تكونى جنبها انتى وسيف وتخلوا بالكم منها 
مى اعمل ايه بس يا جنه انا حاسه انى بحلم والله ونفسى اصحى من الکابوس ده واشوف بابا تانى وهو بيضحك ويهزر معانا 
ونتلم كلنا على السفرة فى العيد وفى رمضان ومع أهلنا فى البلد 
معقول انا مش هاشوفه تانى خلاص يا جنه معقول 
جنه اطلبيله الرحمه يا حبيبتى هو راح للى أفضل منى ومنك ده ربنا رحمه من التعب اللى كان فيه ولا نسيتى كان بيتعب اد ايه وبيتعذب الفترة الأخيرة دى 
مى الله يرحمك يا بابا الله يرحمك يا حبيبى 
لبست نهله مامت يوسف ولبس جوزها ونزلوا على تحت كان مستنيهم يوسف اللى كان طالع زى القمر طول بعرض بشعره الاسود الطويل وعيونهم السودا وبشرته القمحاويه 
ملك كانت لابسه طقم حلو اوى وكانت مسيبه شعرها على ضهرها 
يوسف يالا بينا يا جماعه علشان ما نتاخرش اكتر من كده 
ملك لسه بدرى انت مستعجل على ايه يا استاذ انت هى هاطير يعنى منك ولا ايه 
يوسف بت انتى لمى نفسك بدل والله ما اسيبك هنا وما تروحيش معانا 
انا مش فاهم اصلا انتى جايه ليه معانا 
ملك بقى كده طيب ايه رايك ده انا جايه مخصوص علشان اشوف البت اللى قدرت توقعك ياللى بنات النادى كلهم بيتجننوا عليك وانت منفض لهم مش عارفه على ايه هما هايموتوا عليك كده يوسف يا ربى منك ومن رخامتك امشى امشى
اودامى واخلصى 
ركبوا العربيه وكان سايق يوسف وملك قاعده جنبه وباباه ومامته قاعدين ورا 
وصلوا لبيت نور وطلعوا السلم وخبطوا على الباب 
راح احمد وفتح لهم الباب ورحب بيهم وعرفهم بنفسه 
جت ام نور وسلمت عليهم ورحبت بيهم 
الاب اهلا بيكى يا حاجه والف سلامه عليكى وربنا يشفيكى يوسف قالنا أن حضرتك تعبانه 
الام الله
يسلمك متشكرة لذؤك 
نهله الف سلامه يا ام نور انا سعيده أنى اتعرفت عليكى 
الام وانا اسعد والله ربنا يفرحكم بيوسف واخته انشاء الله 
ملك كانت عماله تفرق وعاوزة تتعرف على نور 
فطلبت من أحمد أنه يوديها جوا فى اوضه نور 
احمد قام معاها وډخلها لحد نور 
نور كانت لبست الفستان اللى بعته يوسف وكانت طالعه زى القمر وسيبت شعرها الاسود الناعم على كتفها 
ملك اهلا وسهلا بيكى اكيد انتى نور انا ملك اخت يوسف 
نور اه انا نور واهلا بيكى يا ملك 
ملك يااااااه ده انتى طلعتى حلوة اوى وانا اللى كنت عاوزة ارخم على يوسف واتريق عليكى 
نور ولا يهمك يا ستى اتريقى براحتك هههههههه 
ملك ممكن بقى تعتبرينى اختك وصاحبتك من دلوقتى 
نور اكيد طبعا ده شىء يشرفنى لما يبقى عندى اخت حلوة كده وزى القمر 
خدوا بعضهم ودخلوا على الصالون علشان يسلموا على يوسف وأهله 
قربت نور من نهله وسلمت عليها 
نهله ما شاء الله ما كنتش اعرف ان ذؤك حلو كده يا يوسف 
نور متشكرة اوى يا طنط ده من ذؤك 
الاب ما شاء الله عليكى يا بنتى اسم على مسمى فعلا انتى نور واسمك نور ربنا يحميكى ويحفظك يارب يا بنتى 
وقربت نور من يوسف وسلمت عليه 
يوسف ازيك يا نور 
نور الحمد لله يا يوسف 
بدأ الاب يتكلم ويطلب ايد نور من مامتها والام وافقت وحددوا معاد على اخر الاسبوع علشان يعملوا الفرح 
قبل ما الام تعمل العمليه بيومين علشان تكون اطمنت على نور 
مشيوا الضيوف ورجعوا على الفيلا ودخل يوسف على اوضته بعد ما سمع احلى كلام من أمه وأبوه على نور وجمالها وأدبها واخلاقها وكانوا فرحانين بيها جدا جدا 
نور كانت
خلصت الشقه بعد ما مشيوا وجهزت لامها الاكل قبل ما تنام واطمنت عليها انها نامت 
راحت نور وغيرت هدومها ولبست هدوم النوم وراحت على سريرها وفضلت تفكر فى كل اللى حصل طول اليوم 
سيف كان خلص العزا بتاع باباه وكان طلع على شقته واطمن على والدته واخته وشاف جنه نايمه مع مى فى اوضتها 
دخل سيف على أوضته وغير هدومه وراح على سريره وبدأ يفكر فى كل اللى حصل معاه طول النهار 
وحس اد ايه هو فقد ابوه وفقد حنيته وحبه وضحكته وقعدته فى وسطهم 
فات كام يوم وخلال الكام يوم دول كانت ملك ونور قربوا من بعض جدا وبدؤوا ينزلوا مع بعض علشان يشتروا ويجهزوا حاجات الفرح 
وراحوا حجزوا الفستان بتاع نور وكان فى منتهى الروعه 
وأشترت ملك فستان حلو اوى علشان تحضر بيه هى كمان الفرح 
ونهله كانت جهزت اوضه فى الفيلا من فوق علشان العرسان وجابت اوضه جديده على ذوق نور ويوسف 
وبدأت تعزم الأهل والصحاب علشان يحضروا الفرح اللى حجزوله فى اكبر القاعات 
ويوسف كان عزم صحابه وزمايله فى الكليه والنادى والكل كان مستغرب 
وكان واقف مع زمايله فى الكليه والكل كان مستغرب الاستعجال ده ومحدش كان مصدق اللى بيحصل 
واستغربوا اكتر لما عرفوا أن العروسه تبقى نور زميلتهم 
الكل كان مستغرب لانهم عارفين علاقتها بسيف وعارفين أنهم فى حكم المخطوبين 
ومستنين أنهم يخلصوا الدراسه وبعد الامتحانات على طول كان سيف هايروح ويخطبها 
خالد لمح سيف داخل من باب الكليه وجرى علشان يسلم عليه ويرحب بيه
علشان دى اول مرة يجى فيها سيف الكليه بعد ما والده توفى 
خالد ده كان صاحب سيف الانتيم وكان عارفين بعض من ايام ثانوى 
وفرحوا اوى أنهم دخلوا مع بعض بردوا نفس الكليه 
خالد اهلا يا سيف حمد الله على السلامه يا صاحبى ليك وحشه والله عامل ايه 
سيف الله يسلمك يا خالد وانا الحمد لله بخير 
خالد ايه يا عم انت الدقن اللى انت مربيها دى فوق كده وحاول تنسى يا عم شويه وادعيلى بالرحمه علشان خاطر والدتك واختك مى 
انت داخل على امتحانات وعاوزين نخلص بقى ونتخرج ونشوف مستقبلنا 
سيف انشاء الله يا خالد ربنا يسهل 
بقولك يا خالد ما شوفتش نور 
خالد نور ايه وبتاع ايه يا عم دلوقتى تعالى نروح نحضر المحاضرة بتاعتنا 
سيف فى ايه يا خالد انت مخبى عليا ايه وعمال تتهته فى الكلام كده ليه 
فى ايه يا خالد انطق هو انا مش عارفك ولا ايه 
خالد
الصراحه يا سيف فى خبر كده ومش عارف اقولهولك ازاى 
سيف ما تنطق يا زفت انا مش طايق نفسى قولى فى ايه واخلص من غير لف ولا دوران 
خالد الصراحه يا سيف يوسف كان هنا من شويه وكان بيعزم العيال صحابه على الفرح بتاعه سيف سكت ليه يا زفت انطق 
خالد هو و نور
سيف حط أيده على وشه وخد نفس كبير وبعدها مسك خالد من لياقه القميص بتاعه وقاله انت بتقول ايه انت متاكد من الكلام ده 
خالد اهدى يا سيف احنا فى الكليه وايوا متاكد ده حتى يوسف مشى من شويه وقال للكل على ميعاد الفرح وعلى مكانه كمان حتى اسال اى حد من الشله هاياكدلك الكلام ده كله 
سيف كان عمال يفكر ويفكر وكان مفكر أن كلامه مع نور لما شافها هى ويوسف مجرد كلام علشان تغيظه وتزعله وتردله اللى عمله فى الكليه 
لكن ما كنش مصدق أنهم يتجوزا فعلا وبالسرعه دى 
مسك موبيله وحاول يتصل بيها لكن هى ما ردتش عليه 
حاول تانى وتالت وبرضه مش بترد عليه وقرر أن يروح لها على البيت تانى ويشوف الكلام ده صح فعلا ولا فى ايه 
نور كانت عماله تلف هى وملك على المحلات علشان يشتروا بقيت الحاجات اللى ناقصه علشان خلاص معتش فى وقت غير يومين على الفرح 
لكنهم تعبوا من اللف وراحوا على مطعم علشان يكلوا اى حاجه ويشربوا اى عصير 
دخلوا المطعم وطلبوا الاكل وكلوا واستاذنت ملك
انها تدخل الحمام 
نور اوى اوى روحى يا ملك وانا هستناكى لما تيجى 
نور طلعت موبيلها من الشنطه وبصت على الموبيل ولقت سيف متصل اكتر من مرة وبظروفها
موبيل نور رن تانى وبظروفها نور مسكته لقت المتصل هو سيف 
فكرت شويه ترد ولا لا بس كان صوت سيف واحشها اوى وقالت هارد لآخر مرة واشوفه عاوز ايه واستغربت أنه اتصل اكتر من مرة 
نور السلام عليكم 
سيف وعليكم السلام اخيرا يا هانم رديتى وعبرتينى 
نور معلش يا سيف والله ما كنت سمعتها خالص اصلى كنت بشترى شويه حاجات 
سيف حاجات ايه وايه الكلام اللى انا سمعته ده 
انتى هاتسبينى يا نور وتتجوزى يوسف 
للدرجه دى انا طلعت اكبر حمار ومغفل 
سبيتينى علشان فلوسه وعزه وعربيته والفيلا والنادى 
نور ارجوك يا سيف انت مش عارف حاجه خالص 
سيف حاجه ايه يا نور قوليلى أنى غلطان 
قوليلى أنى حمار ومش وفاهم غلط 
ده انتى الوحيده اللى كنت اتمنى تكونى جنبى فى ۏفاة ابويا وتواسينى وتطبطى عليا 
نور سيف ارجوك اوعى تفهمنى غلط ومسيرك فى يوم تعرف الحقيقه 
واحلفلك أنى ما اعرفش أن والدك توفى غير منك انت دلوقتى 
انت مش عارف حاجه خالص يا سيف مش عارف حاجه 
بس اهم حاجه اوعى تظلمنى وتفهمنى غلط زى ما بتقول كده 
وارجوك انسانى وانسى أنى كنت حبيبتك فى يوم من الايام 
سيف فعلا انا هانساكى وهاخلع قلبى وارميه لو فكر فيكى تانى يا اقذر انسانه عرفتها فى حياتى سيف اه نسيت اباركلك الف مبروك يا عروسه وقفل التليفون فى وشها 
ملك كانت جت من الحمام ولقت نور بټعيط وسألتها عن السبب 
نور ابدا يا ملك اصل افتكرت تعب ماما وحالتها واد ايه انا خاېفه عليها من موضوع العمليه ده 
راح سيف على بيته ودخل وسلم على امه وباس ايديها وسلم على مى وجنه بنت خاله 
الام مالك يا حبيبى انت تعبان ولا ايه 
سيف ابدا يا امى ما فيش حاجه انتم عاملين ايه 
مى كانت فاهمه اخوها اكتر وحست واتاكدت أن سيف فيه حاجه مش طبيعيه بس حبت تطمن مامتها وقالت لها انه كده بسبب مۏت بابا 
استأذن سيف ودخل على أوضته وبعد شويه دخلت مى واتكلمت معاه وهو ما صدق أنه يتكلم أو يحكى مع حد