حدوته بقلم اسراء جمال

مأمن نفسه من كذا جانب بيقعد يخبط ويدور وبيعافر ويسعى وبيلاقي مخرج متظلميش نفسك وتتخرجي زيرو.
_بس أنا كده ممكن أقصر في الدراسة!
مقلتلكيش قصري بس خليكي في المعقول الأجازة لو تعرفي تاخدي فيها كورس يبقى حلو أوي الدراسة لو عرفتي تظبطي المذاكرة وحتى أقل حاجة تتعمل هي إنك تسمعي البودكاستات في الطريق أو تقرأي في كتاب يبقى كويس.
_مش عارفة بحس لو معملتش الحاجة بمثالية مبنتجش.
جربي وهتعرفي إن عقدة المثالية بتضيع حاجات كتير أوي على أصحابها الحياة محتاجة حد حرك وبيعرف يتصرف عيشيلك يومين حلوين في الجامعة اختاري المناسب ليكي مش اللي لازم يتعمل.

_أمي وأمك لو سمعوكي هينفخوكي.
هقولك جملة أدركتها متأخر بس مش هبخل عليكي بيها المثالية عدو الإنتاجية خليكي فاكراها دايما.
مقتنعتش بكلام رحمة تماما أنا شايفة إنه الدراسة للدراسة والاجازه للاجازه أما الكورسات وتطوير الذات ده بقى بعد الجامعة نبقى نشوف بيقول إيه عدت الأيام وللأسف كنت هقع في فخ كبير إتعرفت على بنت جميلة كان إسمها روان برغم إنها طيبة ولذيذة إلا إنها مش بتصل وعادي عندها تصاحب ولاد شايفة إن أنا دقة قديمة علشان قلتلها حرام إتريقوا عليا كلهم قالولي إن ده كان زمان دلوقتي أنا كده هبقى أتنشن الغريب إن مع الوقت بدأت أحس إن بتأثر بأفكارها وواحدة واحدة الطرحة بقت سايبة والأغرب فعلا إن بقيت شايفه إنه ده الطبيعي للأسف مخدتش بالي من ده غير في آخر الترم في الوقت اللي كانت رحمة فيه بتسمع بودكاستات في المواصلات وتقرأ كتب وبتذاكر ساعة أو ساعتين كل يوم بعد ما تروح كنت بتريق عليها وشايفة إنه الدراسة لو خدت فيها الحاجات دي هتضيعني بس في الحقيقة أنا اللي ضيعت!
جيبت مقبول ورحمة جابت جيد جدا روحت لرحمة ولأول مرة أفتح قلبي من زمان.
_ليه سبتيني!
علشان مهما قلت ونصحت كنتي شيفاني دقة قديمة ف قررت أسيبك تجربي مكنتيش هتقتنعي بكلامي مهما قلت زى حوار البودكاستات والكتب مع إنك شفتي النتيجة في الآخر.
_أنا كنت فاكرة إنه مدام أنا في دراسة يبقى مينفعش أخد حاجة تانية معاها حتى لو هذاكر ليلة الامتحان بس المهم مينفعش أخد حاجة تانية.
أحب أبشرك إنك طول ما إنتي بالعقلية دي وسايبة نفسك ووقتك سايب المقبول هيبقى معاه مادة المرة الجاية.
_فيه إيه يا رحمة مش كده!
إنتي جربتي وعرفتي إن الصاحب ساحب وشايفة منظرك عامل إزاى دلوقتي ف ياريت تخلي بالك.
_حاسة إن فوقت متأخر أوي.
مش مشكلة بالعكس إنتي فوقتي بدري اوي أنا أدركت ده في تالتة كويس إنك فوقتي بدري.
على قد حبي لصاحبتي بس حاسة إن بدأت أتشد جامد معاها وعرفت وقتها إنه الصاحب مهما كان ف هو ساحب هنتسحب وإحنا مش حاسين قررت أقلل علاقتي معاها لحد ما ألاقي حد شبهي إسبوعين الاجازه بتاعت نص السنة كانوا بالنسبالي فترة تجديد لنفسي من أول وجديد قعدت مع نفسي فيها وقررت أفكر في حياتي صح بصيت على أخويا وابن خالتي وغيرهم كتير عرفت إنه اللي بينجح فعلا هو اللي اشتغل على نفسه فترة الجامعة مش اللي وقف حياته علشان خاطر الجامعة وفي الآخر بينجح بالعافية فهمت حاجات كتيرة أوي من رحمة من غير ما تقصد.
_من الترم ده بهجت تاني خالص.
شششش مبنقولش كده.
_اللي فات حمادة واللي جاى حمادة تاني خالص.
مدام قلتي كده ربنا يستر.
_بقولك إيه ما تقوليلي أسماء بودكاستات أسمعها زيك.
ألاه ده كده حد لعب في الإعدادات.
_قلتلك حمادة تاني مصدقتنيش.
بصي يستي هرشحلك كتير