صفقه زواج بقلم سهام صادق

عليا يابت انتي ... ثم بدأت في تمثيلها المعتاد
ياعبدالله ... ياعبدالله شايف بنت بترد عليا أزاي ..بسألها أتأخرتي ليه .. بتقولي ملكيش دعوه
فرح وهي تظر لها باشمئزازمن كذبها اللعېن ثم تركتها وذهبت 
كريمه أنت مش هتزعقلها ولا هتقولها عيب ... اهئ اهئ 
عبدالله خلاص ياكريمه متزعليش .. انا هنادي عليها اه وهزعقلها وهخليها تعتذرلك كمان

كريمه بأبتسامه خبيثه لا خلاص بقي بعد إيه
عبدالله فرح يافرح انتي يابنت
فرح ايوه يابابا
عبدالله اعتذري من ماما كريمه
فرح هي مش ماما اصلا .. ومش هعتذر منها
عبدالله وهو يمسك دراعها تصدقي انك فعلا بنت قليله الادب .. اعتذري منها
فرح والدموع في عينيها تحاول أن لا تذرفها امام كريمة قاسيه القلب أنا أسفه ... ثم تركتهم وذهبت سريعا الي غرفتها لتبكي علي حياتها وما تعانيه 
فرح پبكاء وهي تمسك صورة والدتها شوفتي ياماما .. بابا بقي يعاملني إزاي .. وحشتيني اوووي يااا لو كنتي عايشه مكنش بابا اتجوز الست ديه .. ثم صمتت ومسحت دموعها.
_ الحمدلله انا راضيه يارب ثم قامت لتؤدي فرضها ..
............ 
_ ايه يابني ارحم نفسك .. كل حياتك شغل شغل 
كريم وهو يترك حاسوبه الشخصي وينظر الي صديقه عمر انت رجعت امتى من العين السخنه 
عمر تممت علي المشروع ورجعت علطول ...إيه رأيك بقي نخرج بالليل نسهر في مكانا المفضل
كريم بأبتسامه تصدق بقالنا فتره كبيره مخرجناش
عمر أعملك ايه كل
ما اقولك تقولي .. الشغل مش هينفع ده انت عقدتني
كريم لاء خلاص النهارده هخلص الشغل بدري ونخرج انا محتاج فعلا أشم هوا
............... 
_ أدخلي قدامي جوه .. كل ده يابت كنتي فين ما الزفته اللي جوه جات من بدري اشمعنا أنتي .. ايه عايزه الناس يقولوا ايه كريمه معرفتش تربي
ياسمين في ايه ياماما .. كان عندي محاضره متأخره .. وكانت مهمه فأضطريت احضرها ... وكمان انا مالي بالزفته ديه وهي اصلا في كليه وانا في كليه تانيه .... سيبيني انام بقي عشان تعبانه
كريمه ليه مش جعانه
ياسمين بنعاس لاء انا جعانه نوم بس .. يلا بقي تصبحي علي خير يا كرمله 
.......... 
_ مالك بقي ياكريم سرحان في إيه
كريم بتنهيده مافيش ياعمر
عمر لاء في ياصاحبي .. هتخبي عليا ..اوعوا يكون الموضوع اياه.. هو لسا عمك عايز يجوزك
كريم ايوه ياسيدي ومصمم اووي المرادي
عمر ما هو عنده حق ياكريم .. ما تشوف حياتك سلمي بقالها تلت سنين مېته .. وكمان أنت مكنتش بتحبها عشان نقول مش قادر تعيش من غيرها
كريم فعلا مكنتش بحبها .. بس انا مش عايز اتجوز الجواز بالنسبالي مشروع فاشل ..
عمر بس ديه سنة الحياه ياكريم...ثم قال بدعابه 
_ وكمان مين عالم يمكن يجي اليوم الي تقع فيه لشوشتك وتحب وتتجوز وتخلف كمان
كريم بضحك ياا ده انت خيالك واسع احب واتجوز واخلف ..
عمر بكره هتشوف وانا واثق ان اليوم ده هيكون قريب
ثم بدأوا يتحدثون في امور عامه وعن بعض ذكرياتهم....
............
_ مالك ياعم عبدالله شكلك تعبان ...
تسأل كريم بعدما وضع الساعي عبدالله له فنجان القهوه أمامه.
عبدالله مافيش ياأستاذ كريم .. شويه تعب
كريم بأبتسامه لو حاسس انك تعبان ممكن تروح ياراجل ياطيب.. ثم بدء يخرج بعض النقود من جيبه واعطاه له 
عبدالله بحب ربنا يحميك لشبابك يابني .. ويرزقك بالرزق الحلال الواسع .. ويديك علي قد نيتك .. ثم تركه وانصرف
......
_ الكتاب اه ياستي ... ذكري فيه ولخصي براحتك 
فرح بحب ربنا يخليكي ليا يا مي .. إن شاء الله هرجعهولك علطول
مي بحب براحتك ياحببتي ... انا اصلا مش هذاكر الماده ديه دلوقتي
فرح طيب يلا انا بقي سلام ... عشان متأخرش واسمعلي كلمتين مش كويسين
مي بأشفاق علي حال صديقتها ماشي ياحببتي سلام 
.....
جاءت فرح الي المنزل ووجدت ياسمين تجلس علي التلفاز بلا مبالاه وتسمع الاغاني بأندماج
فرح السلام عليكم 
ياسمين وعليكم السلام ياستي .. 
فرح هو بابا لسا مرجعش من الشغل 
وكادت ياسمين ان تخبرهاا بما حدث لوالدها ...ولكن رن هاتفها
_ أيوه ياماما .. أه اهي جت .. ماشي هقولها
فرح بقلق فيه إيه ...مالك بتبصلي كده بابا فيه حاجه
ياسمين بلا مبالاه اصله في المستشفي .. لم تنتظر فرح ان تكمل حديثها معاها.. وفرت ذاهبه للمشفي
عبدالله بتعب شديد فين فرح ياكريمه .. جيبيهالي حالا
كريمه اتصلت بيها وجايه
عبدالله بسرعه ياكريمه .. خلاص مش فاضل كتير
في هذه اللحظه وصلت فرح ..
فرح ببكي مالك يابابا... فيك إيه
عبدالله سامحيني يابنتي .. مكنتش ليكي الاب اللي يستحقك ظلمتك كتير وجيت عليكي .. ثم نظر لكريمه بكره ..ابقي افتكريني يافرح وادعيلي ياحببتي 
فرح بدموع انت ليه بتقول كده يابابا ... اوعي تسبني لوحدي انا ماليش حد غيرك .. هتسبني زي ماما وكمان انا مش زعلانه منك 
عبدالله بدموع مافيش وقت يا بنتي روحي لكريم بيه هو اللي هيساعدك ويقف جانبك ... 
ثم تركها ورحل الي العالم الذي سيذهب فيه كل منا ولكن للاسف دائما ننساه ونظن بأننا سننعم بالدنيا دائما. 
فرح پبكاء شديد لاء يابابا كده هتسبني لوحدي .. طيب انا هعيش ليه ولمين ...ثم صړخت صرخه رجت كل ارجاء المشفي.
وكانت لاول مره تنظر لها كريمه بأشفاق ..
............
مرت أيام العزاء بثقل شديد .. كانت دائما حبيسة غرفتها لا تتحدث مع احد .. كانت كل ما تفعله تصلي وتقرء القراءن. 
مي وهي تشفق علي حال صديقتها ده امر ربنا وانتي انسانه مؤمنه وراضيه بقضائه
فرح بدموع انا راضيه والله راضيه بس الفراق صعب .. ماما راحت وبابا برضوه .. عارفه انا عمري ماكرهته هو برضوه كان حنين اووي بس كان بيضطر يجي عليا عشانها عشان متفضلش تعكنن عليه حياته ... مكنتش بزعل المهم هو يكون مرتاح بس خلاص هو راح
وسبني لوحدي 
مي وهي تحتضن صديقتها ادعيله يافرح .. وخليكي قويه ربنا مبينساش حد وكمان فين كلامك عن الصبر والتحمل .. هاا
فرح بدموع الحمدلله 
...........
_ بتقول إيه عمي في المستشفي انا جاي حالا..
قاد كريم سيارته باقصي سرعة يفكر ماذا سيحدث له إذا تركه ايضا عمه ورحل ... 
_ ها يادكتور عمي ماله
الطبيب استاذ كريم انا قولتلكم مليون مره بلاش اجهاد على صحته القلب مش مستحمل .. هو دلوقتي في العنايه المركزه ولو مرت ال 48 ساعه علي خير .. يبقي عمك اتكتبله عمر جديد .. لان المرادي بجد الحاله متاخره... ثم تركه الطبيب وذهب
كان يقف أمام غرفته وينظرإليه من وراء الزجاج . عمه كان دائما حنون عليه كان مبثابة الاب .. بل الاب حقا .. فوالده كان دائم السفر اما عمه كان دائما معه يرعاه مثل ابنه تماما .. حتي انه كتب كل ما يملكه له واصبح هو الوريث الشرعي لتلك الامبراطوريه الضخمه ولكن هل للمال فائده ما دام من نحبهم يتركونا ..
عمر وهو يربت علي كتف صديقه طمني ياكريم اخباره ايه دلوقتي
كريم للاسف الحاله متأخره 
نظر عمر إلى صديقه واكتفى بالصمت.
............
مضي اسبوع علي ۏفاة والد فرح
كريمه پقسوه إيه هتفضلي كده .. لو فكره اني هصرف عليكي انسي انا كفايه عليا بنتي وكمان المعاش بتاع ابوكي عباره عن ملاليم يعني مش هيكفينا .. ف زي الشاطره تدوريلك علي شغل ..ثم قالت بصوت خاڤت ولكن سمعته