عشق الزين بقلم زيزى محمد
شويه .. الجو حلو اوى .
زين ماشى يا حبيبى روحى انتى اعمليلى العصير ....وانا هاعمل مكالمه لغايه ماتخلصى .
ليليان اوك .
زين الو
احم ايوا يا باشا .
زين خير في ايه مبطلتوش اتصال ليه ..
احنل اسفين ياباشا ... بس الراجل اللى حضرتك امرت بحپسه هو وابنه. .. تعبان خالص وابنه مش مبطل زعيق جوا علشان ابوة.
زين امممم جيبوله دكتور يكشف عليه وفكوة ريحو شويه وانا هاجيلكوا بكرة ... واتوصوا ابنه ..وقولوله صوتوا ميعلاش فى مكان ملك لزين الجارحى .
عند سارة ومراد
سارة ايه دى احنا وقفنا هنا ليه ..
مراد انزلى .
سارة انزل فين هو انت واخدنى فين بالظبط يامراد.
مراد هانطلع شقتى .
سارة انت مچنون ..نطلع شقتك وبتقولها فى وشى عادى.
مراد هو انتى مش مراتى .
سارة مراتك ..ماشى ... بس بردوا لا مينفعش اروح شقتك .
مراد بطلى تخلف .. انا راجل مش عيل وعلى فكرة انا اخاڤ عليكى من نفسى .. انزلى يالا .
مراد هاتعرفى بعدين ... يالا.
مراد اخدها فعلا وطلعوا وهى كل الوقت دة مړعوبه من مراد .. لانه مش شخص سهل تقدر تتوقع هو عاوز ايه ... وهو كان حاسس بيها وبخوفها منه ومش هاين عليه يطمنها .
مراد ادخلى يلا .
سارة طيب بس سيب الباب مقفول .
مراد رزع الباب وراة وقفله اه وماله.
سارة فى اللحظه دى اړتعبت وخاڤت من نظرات مراد هربت منه ومن نظراته اللى بترعبها اكتر .. بصت لشقه لقتها جميله جدا و ذوقها عالى جدا
مراد بقت شقتك انتى .
سارة بصتله واتكلمت بعصبيه انت ازاى بتتكلم كدة وكانها حاجة عاديه ... انا عمرى ما ارضى اقعد فى شقه حد.... انت عاوز تعيش معايا و قلبك وعقلك معاها .
مراد قرب منها انتى شايفه كدة .
سارة بنرفزة اه شايفه كدة ..ومتقربش منى .
مراد ببرود لا هاقرب ... انتى مراتى.
مراد شدها وحضنها وقرب من شفايفها معاش اللى يكسرك ياروحى ...دى شقتى فعلا بس مش شقتى انا وكاميليا ...الشقه دى اشتريتها قبل ما اعرف كاميليا وقولت اللى هاحبها هاتجوزها وهانعيش هنا... فرشتها على ذوقى ...لما عرفت كاميليا واتجوزتها مقدرتش اقعدها هنا لقيت نفسى بخبى عليها موضوع الشقه دى ... ولما ماټت سبت شقتها ونقلت هنااا...لما قابلتك وحبيبتك اتمنيت اليوم اللى هاتكونى فيه مراتى وشايله اسم مراد الالفى ..واتمنيت اجيبك هنا علشان لو كان فى حاجة مش عاجبك تغيريها .
مراد باسها
سارة بضعف م...مراد .
مراد مش .. قادر .
سارة مينفعش .
مراد بعد عنها شويه بس فضلت فى حضنه ساره ... انا بحبك .
سارة بصتله مش مصدقه انه اخيرا قالها بتحبنى انا
.
مراد اه بحبك انتى ...انتى وبس اللى فى قلبى ...بحبك من اول مرة شوفتها
فيكى وقت ما كنت بتجرى من عيال اللى بيجروا وراكى .... ملامحك كلها حفظتها من يومها .... كنت بتعمد ادايقك علشان تفضلى معايا اطول وقت ممكن.
مراد انا جبتك هنا علشان دى هاتبقا شقتنا ... انتى اللى دخلت قلبى وملكتينى ... عارفه انا كنا مأجل كلمه بحبك لبعد كتب كتاب علشان انا عارف نفسى كويس مش هاقدر امسك نفسى لما اقولهالك ... انا مش عارف امك دى مصرة على خطوبه تلات سنين .
سارة ههههه علشان مش واثقه فيك .
مراد رفع حاجبه نعم ! مش واثقه ازاى ياعنى.
سارة بتريقه اصلها سألت عليك ..ولقت سمعتك زى الجنيه الدهب .
مراد هههههههههه اه فهمت ... كنتى قوليلها انك غير اى حد .
سارة بتحاول تظبط نفسها وهدومها ومكسوفه منه مقولتش بقا .
مراد انتى مكسوفه.
سارة ليه هو انا بنت ومش بتكسف ولا ايه.
مراد لا انتى مش وشك كذلك والله .
سارة بغيظ انا مش وش كسوف يا مراد.
مراد قلبتى فى ثانيه ازاى هههههههه .
سارة طيب يالا علشان منقعدش مع بعض اكتر من كدة .
مراد ههههه خاېفه على نفسك يابطه .
سارة بغيظ اه خاېفه ....وانا مش بطه ... بطل تقولهالى.
فى بيت الجارحى
ليليان الله منظر النيل حلو اوى .
زين اممممممم منظره حلو علشان انتى قاعدة معايا .
ليليان باسته من خدة ربنا يخليك ليا ... زين هو انت ليه مش عايش فى فيلا ... ليه عايش هنا فى شقه..
زين علشان ابويا كان شارى الارض للى عليها البرج وكان عاوز يبنها علشان امى كانت نفسها تعيش على النيل ملحقش يبنيها ...
انا بنيت البرج وخصصت اخر دور ليا اعيش فيه .
ليليان احلى حاجة عملتها على فكرة البيت هنا موقعه ممتاز .
زين كويس انه عجبك ياقلبى .
ليليان زين كنت عاوز اقولك ان فى تدريب فى شركه اسمها العز للمعمار انا كنت عاوزة اروح وادرب.
زين هو انا كنت بطلعك من شغلك اللى كان عندى علشان اوديكى شركه تشتغلى فيها ... لا طبعا .
ليليان بهدوء لا مفيش انك تقول لا فيه هافكر حاضر ... وعلى فكرة التدريب بعد بكرة ... رد عليا بكرة .
زين طيب متزعليش بقا من قرارى .
ليليان باسته من خدة لا مش هازعل علشان عارفه ان زين الرجال عمرة ما يزعل حبيبه قلبه ليليان .
زين هههههههههه لاممكن يزعلها عادى وبعدين اصالحك .
صباحا
فى المخزن ..
يوسف قول للباشا بتاعك ابويا تعبان .. خليه يجى ... دة ايه العڈاب دة .
عاصم بتعب ماتسكت يا يوسف .
زين دخل عليهم ... ومعاه ناس .
زين ليه يسكت ما يتكلم ويرغى ويغلط اكتر علشان يفضل هنا عمرة كله .
عاصم قول اللى عندك واحنا موافقين .
زين ابوك اعقل منك .
عاصم قول يا زين باشا .... انا تعبت .
زين انت عاوز ايه ... بټخطف مراتى ليه. . ايه السبب ..
عاصم بتعب ارجع حقى.... ميراثى .
زين وميراثك دة يسوى كام .
يوسف بزعيق انت بتتدخل ليه .
زين كلمه كمان واقسم بالله هالغى عرضى وانا اتمنى كدة والله .
عاصم اسكت انت يا يوسف ..... قول يا زين باشا .
زين ٢مليون ليك انت واخوك.... حقك انت واخوك وتنسوا انكو ليكوا بنت اخ ..... ودة مهر ليليان ... وكدة كدة البلد كلها هاتعرف انى متجوزها .. واهو ينولك من الحب جانب .
عاصم الرقم عجبه جدا موافق طبعا .
زين بس فى شويه حاجات كدة الاول لازم تتعمل قبل ما تاخد الفلوس.
عاصم ايه هى.
زين هاتمضوا على شويه شيكات انتو الاتنين علشان لو فكرتوا بس مجرد التفكير تفكروا فى ليليان يبقا السچن مستنيكوا دة غير اللى هاعملوا فيكوا ... دة طبعا اولا... ثانيا بقا انت هاتطلع لكن ابنك لا هايستنى معايا شويه .
عاصم ليه طيب .
زين هو كدة..... انت هتاخد الفلوس انت واخوك .... والواد دة هايفضل هنا شويه انا لسه مرحبتش بيه.
يوسف مش عاوزين منك حاجة ولافلوس ولا حاجة .
زين خلاص.... خليكوا انا ماشى .
عاصم خلاص مووووافق .. وخلى يوسف شويه .
يوسف اټصدم من كلام ابوة انه باعه لزين الجارحى .. وانه فضل الفلوس عليه ... وعاصم لف وشه الناحيه التانيه بعيد عن يوسف علشان ميواجهش كميه الاټهامات اللى فى عيون يوسف .
فى بيت الجارحى
ليليان بتكلم سارة على التليفون.
ليليان اعمل ايه زين مش بيوافق بسهوله .
سارة اتشقلبى كدة يا حلوة وخليه يوافق الشركه دى كبيرة جدا ...والتدريب فيها تحفه .
ليليان. خلاص هاخليه يوافق ... ربنا يستر منه .
سارة يارب .
ليليان انتى ومراد كويسين .
سارة بفرحه اسكتى يا لي لي مش طلع بيحبنى .
ليليان بضحك انتى هبببله ههههههه دة كله ومش عارفه هو بيحبك ولا لاه.
سارة مكنتش عارفه .... وعرفت امبارح .
ليليان عرفتى ازاى ... قالك ايه .
سارة هاحكيلك .......
فى شركه الجارحى
مراد ايه دة سامر ايه جابك هنا.
سامر احم انت اللى هنا ليه .
مراد بخبث كنت عند زين ... قولى فى حاجة .
سامر انا كنت جاى اطلب ايد الانسه ليليان من بشمهندس زين .
مراد انسسه !!! وماله .
سامر انا محروج اوى ما تدخل معايا وتعلى من موقفى عندة .
مراد بخبث لا انت تدخل زى الۏحش كدة وتفرد نفسك ... انت مش اى حد بردوا وبعدين دة زين بيعزك اوى .... ولما تدخل قولها بقلب مېت انا بحب الانسه ليليان الجارحى .. ونفسى اتجوزها .
سامر بس مش كدة غلط المفروض اهدى فى الكلام اول مرة اقول بحب وكدة .
مراد ايوا يابنى.. زين صاحبى وعارفه بيحب شجيع السيما الواد الۏحش اللى بيدخل فى الحديد .... وكمان افضل شكر فيها وفى حلاوتها وادبها .. اسمع كلامى دة انت هاتلاقى رد فعل من زين هايرفعك سابع سما .
سامر من ناحيه هاشكر فيها فانا هاشكر فيها ..دة انا بحلم بيها ليل نهار .
مراد ايوة حلوة الحته دى قولها بتحلم بيها ليل نهار .... هاتعجب زين اوى .
سامر ماشى اسيبك انا وادخله .
فى قصر الباشا
الباشا پغضب اه يابن الجارحى لتانى مرة بتدينى على قفايا ...... وبتضربنى فى مقټل
رعد اهدى ياباشا والله لما طلبتنى جيت من السفر بسرعه .
الباشا زين الجارحى ..ضحك على الاهبل ابنى وحط ورق غلط فى الشركه وقدم ورق تانى للمناقصه ... لا وبعتلى رساله تعيش وتاخد غيرها .
رعد انت تأمر بايه يا باشا .
الباشا نحرق قلبه.... واللى ېحرق قلبه مراته ... انشالله اموتها وبعدين انا اموت عادى هابقا مبسووط.
رعد خلاص سيب الموضوع دة عليا .
الباشا بغموض . ما علشان كدة بعت وجبتك يارعد .
فى شركه الجارحى
زين بهدوء ها يا سامر... خير .
سامر بتوتر احم بشمهندس زين انا كنت جاى اطلب ايد الانسه ليليان .
زين نعم !!!!!!.. انسسسه .
سامر ايوا الانسه ليليان .. حقيقى انا نزلت من السفر عجبتنى جدا مشاء الله جمالها وادبها ورقتها ..تحسها بسكوته وقليل لما تلاقى بنات كدة ... انا اعجبت بيها جدا ودخلت دماااغى ونفسى تبقا مراتى .
زين قام من مكانه وراح عند سامر
وشدة من قميصه .
زين اه قولى بقا يا روح امك نفسك تبقا مراتك ازاى .
سامر باستغراب فى ايه يا بشمهندس .... ايه روح امك دى ... انا جاى اطلبها لجواز .... انا بحبها.
زين مكنش عارف هو بيعمل ايه تقريبا كسر المكتب عليه والشركه كلها اتجمعت ومحدش كان عارف يخلصه منه ازاى .
مدام وفاء سكرتيرة زين مراد باشا
